Në Prill 2015, e mora me seriozitet qëllimin tim për t’u bërë një shkrimtar profesionist. Unë kisha shkruar një e-book, dhe isha në ankth për të ditur si ta botoja në letër. Në atë kohë, unë mezi kisha sistemuar faqen time të internetit dhe kisha një bazë abonimesh zero. Vendosa që agjentët letrarë do të ishin burimi im më i mirë i këshillave. Në fund të fundit, ata e njohin industrinë e botimit – ose kështu mendova. Pasi bisedova me pesë deri në 10 agjentë për programet e tyre, u bë e qartë se pyetjet e mia do ta gjenin përgjigjen diku tjetër.
Një bisedë e veçantë vazhdon. Që të të marrin seriozisht botuesit, shkrimtarët duhet të kenë një audiencë lexuesish të konsiderueshme (d.m.th., një platformë). Unë i thashë njërës prej agjenteve se qëllimi im ishte që të kishte 5000 abonentë në blog deri në fund të vitit 2015. Ajo u përgjigj, “Kjo nuk do të ishte e mundur nga pika ku jeni aktualisht. Këto gjëra kërkojnë kohë. Ti nuk do të jesh në gjendje të shohësh dritën e botimit për tre deri në pesë vjet. Ky është realiteti”. “Realiteti i kujt?” Mendova ndërsa mbylla bisedën.
Asnjëherë mos kërkoni këshilla nga …
Në librin e tij “The Compound Effect”, Darren Hardy thotë: “Asnjëherë mos kërkoni këshilla nga dikush me të cilin nuk do të dëshironit të shkëmbenit vendet.”
Kë ndiqni përcakton atë se ku arrini në jetë. Nëse udhëheqësi juaj nuk po ecën përpara, as ju nuk po ecni përpara, sepse rezultatet tuaja janë një reflektim i rezultateve të udhëheqësit tuaj. Ndërsa mendoja fjalët e Darren Hardy, kuptova se po kërkoja këshilla nga njerëzit e gabuar. Më duhej të drejtohesha nga njerëzit që kishin ecur në të vërtetë atje ku doja të ecja. Çdokush mund të ofrojë teori mjegulluese. Ne e shpenzojmë tërë kohën e teorisë së arsimimit publik duke dëgjuar nga njerëz që rrallëherë “e kanë çarë shtegun vetë”. Siç thosht George Bernard Shaw në Maxims for Revolutionists, “Ai që mundet, bën; ai që nuk mundet, jep mësim”.
Në mënyrë të ngjashme, ekziston një bollëk i pafundëm me përmbajtje që publikohen çdo ditë nga njerëz që rrallë i praktikojnë virtytet që predikojnë. Përkundër teorisë, e cila nuk mund të të çojë shumë larg në fund, njerëzit që në të vërtetë kanë qenë “atje” ofrojnë hapa praktikë mbi atë që duhet të bësh për të arritur atje. Këtu janë pesë gjërat në të cilat duhet të përqendroheni. Harrojini të gjitha të tjetrat.
Pse duhet ta dini se çfarë dëshironi
Kjo është një gjë absurde e jetës së shumicës së njerëzve. Ato nuk e dinë se çfarë duan të arrijnë me jetën e tyre. Megjithatë ato janë shumë aktive. – Ryan Holiday
Shumica e fëmijëve shkojnë në kolegj pa një të dhënë pse ata janë atje. Ata janë duke notuar së bashku duke pritur t’u thonë se çfarë të bëjnë tjetër. Ata nuk e kanë parë apo menduar mjaftueshëm që të dinë se si do të dukej jeta e tyre ideale. Pra, si mund ta dinë ata të dallojnë këshillat e mira nga të këqijat?
E kundërta, njerëzit që dinë çfarë duan në jetë e shohin botën ndryshe. Të gjithë njerëzit ndjekin në mënyrë selektive gjërat që u interesojnë ose i emocionojnë ata. Për shembull, kur blini një makinë të re, filloni të vini re të njëjtën markë makine, kudo. Si ndodh kjo? Ju nuk e vërenit më parë që të gjithë ngisnin Citroen më parë. Truri ynë është duke filtruar vazhdimisht një sasi të pakalueshme e inputeve shqisore: tinguj, erë, ngjyra dhe më shumë. Shumica e këtyre informacioneve shkojnë në vetëdije si të panjohura. Vëmendja jonë është e përqendruar tek ajo për të cilën ne jemi të interesuar. Kështu, disa njerëz vërejnë vetëm të këqijat, ndërsa të tjerë shohin të mirën në gjithçka. Disa vërejnë njerëz që veshin këmisha, ndërsa të tjerët vërejnë ndonjë që vesh sportive. Kështu që, kur të vendosni se çfarë dëshironi, është si të blini një makinë të re. Ju filloni ta shihni atë kudo – veçanërisht në kohështrirjen tuaj në rrjete sociale!
Çfarë po shihni kudo? Ky është ndoshta pasqyrimi më i qartë i identitetit tuaj të vetëdijshëm.
Gjërat magjike që ndodhin kur filloni t’i kushtoni vëmendje
Si mund ta arrini planin tuaj 10 vjeçar në 6 muajt e ardhshëm? – Peter Thiel
Kudo që të doni të shkoni, ka një rrugë të gjatë dhe konvencionale, dhe ka qasje më të shkurtra, më pak konvencionale. Rruga konvencionale është rezultati i mos vëmendjes. Është ajo që ndodh kur lejoni njerëzit e tjerë të diktojnë drejtimin dhe shpejtësinë tuaj në jetë.
Sidoqoftë, pasi të dini se çfarë dëshironi – dhe kjo zgjon intensivisht vëmendjen tuaj – do të vini re zgjidhje më të thjeshta dhe më të lehta për pyetjet tuaja. Ajo që mund të ketë marrë 10 vjet në një mënyrë tradicionale zgjat vetëm disa muaj me informacionin dhe marrëdhëniet e duhura.
Kur studenti është gati mësuesi do të shfaqet. – Mabel Collins
Kur vendosa se isha serioz për t’u bërë shkrimtar, këshillat e agjentëve letrarë nuk mund të funksiononin për mua. Unë isha gati për mençurinë e njerëzve që ishin aty ku doja të isha. Vizioni im ishte më i madh se këshillat që po merrja. Në maj 2015, unë ndesha në një kurs në internet në lidhje me Blogging. Duhet të ketë dalë në lajmet e mia për shkak të kërkimeve të mëparshme. Kam paguar 197 dollarë, kam kaluar kursin, dhe brenda dy javësh po më botoheshin artikujt në blogje të shumta të vetë-përsosjes.
Rreth kësaj kohe, unë dëgjova një podcast në të cilin Tim Ferriss tha, “Një postim në blog mund të ndryshojë të gjithë trajektoren e karrierës suaj”. I tillë ishte rasti për të. Një artikull që ai shkroi krijoi trafik të fuqishën, i cili u përhap në rritje të shitjeve për librin e tij. Kjo valë e trafikut çoi në suksesin e librit, dhe pjesa tjetër, siç thonë ata, është histori. Kur mendja juaj krijon një ide, ju bëni gjithçka në fuqinë tuaj për ta manifestuar atë. Ideja se “Një artikull në blog mund të ndryshojë karrierën tuaj” ishte gjithnjë në mendje. Në nënvetëdije, ajo e manifestoi veten në realitetin tim të vetëdijshëm. Rreth kësaj kohe, unë shkrova një artikull që fjalë për fjalë e ndryshoi karrierën time.
Për të cituar William James, babai i psikologjisë amerikane, “Çfarë lë përshtypje në nën-ndërgjegje shprehet në ndërgjegje”.
Kështu, 60 ditë pasi më thanë se do të duheshin tre deri në pesë vjet për të pasur një mundësi të botimi, unë e kisha kaluar atë pikë. Personalisht, nuk e besoj plotësisht veten time për këtë. Para çdo artikulli që kam shkruar (dhe vazhdoj të shkruaj), lutem që puna që unë prodhoj të jetë përtej aftësive të mia; dhe vizualizoj punën time duke arritur te njerëzit që kanë nevojë për të.
Për të cituar Napoleon Hill, “Çfarëdo që mendja mund të krijojë dhe besojë, ajo mund ta arrijë.”
Vetëm se njerëzit e tjerë kanë besime të kufizuara nuk do të thotë se edhe ju duhet të keni.
Përsëri, këshillat që merrni dhe njerëzit që imitoni kanë rëndësi. Ju po ndikoheni, veçanërisht në mënyrë të nënndërgjegjshme, nga ndikimet që ju merrni në zemër. Ka njerëz atje që veprojnë në nivele të larta të shkëlqyeshme. Nëse jeni serioz në marrjen e rezultateve, gjejini ato njerëz dhe filloni të mendoni si ata. Do të habiteni se sa shpejt mund të ndryshojë jeta juaj.
Mendësia dhe dëshirat tuaja përcaktojnë atë se sa të gatshëm jeni të luani.
Për të cituar Peter Diamandis, themeluesin e Xprize dhe autor i Abundance and Bold, “Sfida është se një ditë përpara ajo që mund të jetë me të vërtetë një përparim, e quajnë një ide e çmendur. Dhe idetë e çmendura janë shumë të rrezikshme për t’u synuar.”
Kur e dini se çfarë dëshironi, ju vëreni mundësi për të cilat shumica e njerëzve nuk janë të vetëdijshëm. Ju gjithashtu keni guximin e rrallë t’i shfrytëzoni ato mundësi pa u vonuar, sepse ajo në të cilën ju përqendroheni, zgjerohet. Për të kuptuar atë që dëshironi, thjesht vëreni qendrën gravitacionale të vetëdijes tuaj, mbi çfarë teme, në harkun e 3 ditëve të fundit, mendimet tuaja u dendësuan më së shumti. Aty është rëndesa. Ajo është mënyra e subkonshion për të thënë atë që dëshironi.
Guximi nuk përfshin vetëm të thuash po – ai gjithashtu përfshin të thuash jo. Por si mund të thuash jo për mundësi të caktuara, nëse nuk e di atë që dëshiron? Nuk mundeni. Si shumica e njerëzve, ju do të josheni nga gjëja më e mirë që vjen. Por nëse e dini se çfarë dëshironi, do të jeni të gatshëm të refuzoni madje mundësi të shkëlqyera sepse në fund të fundit ato janë shpërqendrim nga vizioni juaj.
Siç thotë Jim Collins në “Good to Great”, “Një mundësi e që vjen vetë një herë në jetë, nuk ka rëndësi nëse është një mundësi e gabuar. “
Mundësitë “Një herë në jetë” (d.m.th., ato që na shpërqendrojnë) shfaqen çdo ditë. Por mundësitë e duhura do të fillojnë të shfaqen vetëm kur të vendosni se çfarë dëshironi dhe të filloni t’i ndiqni selektivisht ato. Para se ta kuptoni, do të rrethoheni nga një rrjet që ju pëlqen dhe nga mentorë që ju tregojnë rrugën më të shpejtë.
Ralph Waldo Emerson dikur pati thënë: “Sapo të merrni një vendim, universi komploton që kjo të ndodhë.”
Ky citim është plotësisht i vërtetë. Pasi të dini se çfarë dëshironi, mund të ndaloni së këshilluari nga kushdo. Ju mund të filtroni kaosin e pafund dhe të zhyteni në të vërtetën tuaj.
Përfundimisht, ju mund ta stërvitni mendjen tuaj të vetëdijshme për t’u përqëndruar vetëm në atë që dëshironi në të vërtetë në jetë. Çdo gjë tjetër përjashtohet dhe harrohet nga nënndërgjegjja juaj.
Vendosni për atë që dëshironi ose dikush tjetër do ta bëje.
Ju jeni projektuesi i fatit tuaj.
