Jeta nuk është e gjitha fushë me lule. Mund të jetë goxha e ashpër ndonjëherë. Ju tashmë keni bërë shumë sakrifica, keni përballuar sfida të panumërta, dhe keni kapërcyer shumë dhimbje dhe tundime, kështu që opsioni më i mirë është t’i bëni këto të vlefshme duke ecur përpara nga atje ku jeni aktualisht në jetë.
Çlironi veten nga të gjitha negativitetet që ju rrethojnë – nga njerëzit që ju tregojnë se si duhet të jetoni jetën tuaj dhe nga njerëzit që shterojnë energjinë tuaj. Me fjalë të tjera, filloni t’i bëni vetes premtime pozitive.
Premtojini vetes se do të shqetësoheni më pak dhe do të qeshni më shumë. Premtojini vetes që të gjeni forcën për të dalë nga zona juaj e rehatisë dhe t’i dilni vetes zot kur dikush po përpiqet t’ju manipulojë dhe të përfitojë nga ju. Dhe më e rëndësishmja, premtoni vetes që të jetoni jetën tuaj ashtu siç dëshironi ta jetoni.
Këtu janë 8 premtime që duhet t’i bëni vetes dhe t’i mbani gjithmonë, në mënyrë që të jetoni një jetë të lumtur dhe përmbushur:
“Do ta lë pas dhe do të bëj paqe me të kaluarën time.”
E vetmja mënyrë për të pranuar sukseset dhe gëzime të reja në jetën tuaj është të krijoni hapësirë për ta. Dhe ju do të keni sukses duke lënë anash dhimbjet, gabimet, dështimet dhe humbjet e së kaluarës.
Asnjëherë nuk duhet të bartni me vete përvojat tuaja negative të së kaluarës. Në vend të kësaj, ju duhet t’i pranoni ato dhe të merrni mësime prej tyre. Sepse këto mësime mund t’ju ndihmojnë të ndërtoni të ardhmen që dëshironi.
“Unë do ta pranoj dhe ta vlerësoj veten time për atë që jam.”
Nëse nuk mësoni të përqafoni si pikat tuaja të forta, ashtu edhe dobësitë dhe papërsosmëritë tuaja, kurrë nuk do të jeni në gjendje të jetoni një jetë të lumtur dhe të përmbushur.
Ajo që duhet të kuptoni është se pasiguritë dhe frika juaj nuk përcaktojnë kush jeni dhe ato me siguri nuk e përcaktojnë vlerën tuaj.
Kjo është arsyeja pse ju duhet të largoni të gjitha mosvlerësimet për veten dhe të mbani një qëndrim vetë-pranimi dhe dashurie ndaj vetvetes.
“Do t’a dëgjoj mendjen dhe trupin tim kur të ndjehem i/e lodhur ose stresuar.”
Nëse keni dhimbje ose ndjeheni të stresuar apo më të lodhur se zakonisht, kjo është mënyra e mendjes dhe trupit për t’ju thënë se duhet të ngadalësoni.
Por, në vend që të injoroni ato që ju tregojnë mendja dhe trupi, dëgjojini ata. Merrni gjysmë ore për të bërë ushtrime fizike, meditoni ose thjesht bisedoni me një mik të ngushtë. Përveç lehtësimit të stresit dhe lodhjes, kjo mund të përmirësojë gjithashtu cilësinë e jetës tuaj.
“Do të kujtoj gjithmonë se jo të gjitha marrëdhëniet zgjasin përgjithmonë.”
Jo të gjithë ata që i doni do të qëndrojnë në jetën tuaj përgjithmonë. Kur keni menduar se keni gjetur dashurinë e jetës tuaj, mikun tuaj më të mirë, ose kolegun tuaj më të mirë dhe më mbështetës, mund të jeni zhgënjyer.
Kështu që, kur dikush të largohet nga ju dhe vazhdon me jetën e tyre, lërini të shkojnë. Mbani kujtimet që keni prej tyre dhe ato që keni mësuar prej tyre. Por, kurrë mos u përpiqni t’i riktheni ato në jetën tuaj.
“Unë do të buzëqesh çdo ditë.”
Buzëqeshja përmirëson gjendjen shpirtërore dhe rrit besimin tuaj. Zvogëlon stresin tuaj dhe ju jep energji. Për më tepër, të buzëqeshni çdo ditë ndihmon në përmirësimin e ndërveprimeve tuaja me njerëzit e tjerë.
“Do t’i shtrij kufijtë e mi”.
Kurrë nuk do të zbuloni se cilat cilësi të fshehura, talente dhe forca mund të keni nëse nuk jeni të gatshëm të dilni nga zona juaj e rehatisë dhe të bëni gjëra që nuk i keni bërë kurrë.
“Nuk kam frikë të ndryshoj. Unë do ta përqafoj ndryshimin. “
Nëse i konsideroni premtimet e lartpërmendura më me kujdes, do t’ju duhet të pranoni që do të duhet të bëni ndryshime të konsiderueshme në jetën tuaj. Kjo mund të thotë të braktisni punën tuaj aktuale dhe të kërkoni një tjetër, të ndërmerrni sfida të reja, dhe të ndërprisni disa marrëdhënie, por e gjithë kjo do të jetë me përfitim.
“Unë do ta jetoj jetën time ashtu siç dua ta jetoj.”
Mos jetoni jetën që familja juaj ose njerëzit e tjerë presin që të jetoni. Sepse duke jetuar jetën tuaj ashtu si e presin të tjerët dhe duan që ju ta jetoni atë, nuk do të jeni kurrë të lumtur.
Ju duhet të kuptoni se çfarë ju duhet dëshironi me të vërtetë në jetë dhe të jetoni jetën tuaj në përputhje me bindjet, parimet dhe vlerat tuaja.
