• Edhe në vendin tonë është një gjendje shqetësuese. Më tepër se 50 për qind të rinjve herë pas here konsumojnë pije alkoolike, ndërsa 7 për qind të tyre pinë rregullisht. Besoni apo jo, shumica e tyre kontaktin e parë me pijen e kanë në shtëpinë e tyre, qysh para se të shkojnë në shkollë. Për fat të keq, prindërit nuk janë të vetëdijshëm që alkoolizmi zhvillohet shpejtë nëse deri tek kontakti vjen në moshë të re, dhe ata shpesh në festa familjare apo ditëlindje i lejojnë fëmijëve të tyre një gllënjkë verë apo gjysmë gote birrë.

Si të identifikohet alkoolizmi tek adoleshentët?

  • Kurioziteti është shtytësi kryesor për alkoolizmin tek të rinjtë. Dëshira që të ndjehen të fuqishëm dhe të dëshmohen në shoqëri apo të mposhtin ndrojtjen, përmenden së shtytësit kryesor. Shumica përpiqen që me pije të shërojnë dashurinë e parë dhe problemet tjera rinore, disa imitojnë të rriturit, derisa të tjerët e bëjnë nga mërzitja. Pasi që alkooli është shkaktar i depresionit të sistemit nervor shumë personave i shërben për zbutjen e stresit dhe tensionit.
  • Pa marr parasysh cilat janë arsyet, alkoolizmi tek adoleshentët tregon simptoma të qarta. Manifestohet, para së gjithash, në ndryshim të disponimit, duke filluar nga tërheqja nga familja, deri tek shoqërimi me miqtë që pinë, deri tek gënjeshtrat dhe fshehja e pijeve në dhomë.
  • Shenjat karakteristike janë edhe sytë e kuq, lëvizjet e ngadalësuara, pamja e zbehtë, si dh problemet me gjumin dhe oreksin. Më pas vjen rënia e përqendrimit dhe mungesat në aktivitet shkollore dhe jashtëshkollore, që pasqyrohet negativisht në suksesin e përgjithshëm.

Alkoolizmi tek adoleshentët shpesh ka pasoja fatale

Pasojat e alkoolizmit në shëndetin fizik dhe psikik të rinjve janë shumë të rrezikshme. Përveç problemeve me lëkurën dhe peshën e tepërt, me kalimin e kohës pija dëmton lukthin, pankreasin, ezofagun, gurmazin dhe zemrën.

  1. Studimet të shumta kanë konfirmuar që konsumimi i tepërt i alkoolit në moshën adoleshente ndikon negativisht në punën e trurit në moshë të vjetër. Përkatësisht, vjen deri tek pengesat në ruajtjen e ekuilibrit, humbja e ndjenjës së prekjes, pamundësia e kontrollimit të dëshirave dhe emocioneve, si dhe rënia drastike e funksioneve konjunktive.
  2. Nuk duhet harruar që alkoolizmi tek të rinjtë është shkaktar i shumë aksidenteve rrugore, shumë prej të cilëve kanë përfundim fatal.Në të vërtetë, gjasat që të  rinjtë nën ndikim të alkoolit të jenë pjesëmarrës të aksidentit rrugor janë 7 herë më të mëdha, e madje 11 herë më të mëdha që të pësojnë lëndime.

Alkoolizmi tek adoleshentët duhet të trajtohet me kohë

  1. Duke marr parasysh seriozitetin e pasojave trajtimi i alkoolizmit duhet filluar qysh me simptomat e para. Hap i rëndësishëm në procesin e trajtimit është detoksifikimi pa dhimbje. Falë këtij, organizmi pastrohet nga alkooli dhe mbetjet e tij të dëmshme, dhe shmangen simptomat e pakëndshme dhe të rrezikshme të krizës së abstinencës. Njëkohësisht, kombinimi unik i infuzioneve, vitaminave, hepatoprotektorëve, aminoacideve dhe preparateve tjera, normalizojnë punën e zemrës dhe veshkave, rigjenerojnë mëlçinë dhe mbrojnë trurin dhe sistemin nervor periferik.
  2. Edhe pse rezultatet e trajtimit janë maksimale, d.m.th. rreziku nga shfaqja e recidivëve është minimal, mbështetja e plotë pas trajtimit është shumë e rëndësishme për rehabilitimin e plotë. Së paku një vit nga largimi nga spitali ekipi mjekësor është në kontakt të vazhdueshëm me pacientin dhe familjen e tij. Në këtë mënyrë monitorohet gjendja shëndetësore e pacientit, por edhe rikthimi i tij në jetën shoqërore dhe profesionale.