Zemërimi është një emocion natyror që rrjedh për shkak të zhgënjimit, trishtimit ose mbi pritjet nga të dashurit. Shumicën e kohës zemërimi i bën gjëra shkatërruese për ne, sidomos nëse nuk dimë se si të kontrollojmë këtë emocion.
Ajo shkatërron miqësi, martesa dhe marrëdhënie tjera nëse del jashtë kontrollit. Disa njerëz mund të kenë nevojë për ndihmë profesionale për të menaxhuar zemërimin, por para se të arrini në atë pikë, provoni disa prej këtyre këshillave të provuara dhe të testuara për të kontrolluar zemërimin tuaj që funksionojnë për bukuri, transmeton Indeksonline.
Numëroni nga një në dhjetë: Ekziston një periudhë kur mendja juaj e shëndoshë është ende e paprekur edhe kur jeni të zemëruar, para se të jeni gati të dilni jashtë vetes, filloni numërimin e numrave nga 1, 2, 3 … 10. Merrni frymë thellë te secili numër. Kjo do ti ndihmojë mendjes tuaj të mendojë në mënyrë racionale dhe të veprojë me mençuri. Nëse ende ndjeheni të zemëruar pas numërimit deri në 10, filloni përsëri dhe mos harroni të merrni frymë thellë njëkohësisht.
Ndrydhni një top kundër stresit: Kjo metodë në fakt funksionon. Pra, nëse keni një stresi të lehtë, ndrydhni një top të butë atë për të çliruar tensionin që është ngulfatur brenda jush.
Bëni disa ushtrime të thjeshta: Varësisht se ku ndodheni, provoni disa ushtrime të thjeshta për të lehtësuar tensionin dhe lirimin e nyjeve që ndjeni në trupin tuaj kur zemërimi ju përfshin. Duke ndihmuar trupin tuaj të heqë qafe ato tensione, ju mund të parandaloniveprimet impulsive të nxitura nga zemërimi. Ktheni kokën tuaj nga njëra anë në tjetrën ose thjesht rrokullisni shpatullat tuaja nëse jeni në tavolinën tuaj të punës. Këto lëvizje ndihmojnë të lirojmë negativitetin e bllokuar në trup dhe ndihmojnë mendjen që të relaksohet dhe të jetë logjike.
Pini një gotë ujë: Uji patjetër ka një efekt qetësues në trupin tuaj dhe pastron fytin dhe zbut buzët që janë shenja të dukshme të një shpërthimi të afërt.
Largohuni: Jo se ju do të jeni në gjendje ta bëni këtë gjithmonë por nëse asnjë nga këshillat e mësipërme nuk punon për ju, është më mirë të dilni nga një situatë që mund të çojë në një konfrontim të nxehtë.
